The Love Of Donald Nair

I would I were near to my ain love,
As she spins the wool sae fine;
I would I could stan by the byreside,
As she's drivin hame the kine:
But wae's me, out on the moor it's dark,
The wind blaws cauld off sea,
An what has a man to do wi love
When he's left alone to dee?
When's deein alone, an wounded sair,
An her brother he dealt the blow
To me wha wadna hae hurt a hair
Of her kinsmen, high or low?
But ah, I would I were near my love,
To see her on bended knee,
Prayin for mother an brother an a
Afore I turn an dee.
I would I could see my love asleep,
Not drowsy wi death like me,
But dreamin saft in a dream sae sweet
Of my love that ne'er can be;
For ah, my bluid's on the tall, wet grass,
An the lock of her hair's dyed red,
An what is love when the eyes gang blind,
An what when a man is dead?
I could hae killed him, her brother, here;
Yet I wadna turn an flee.
He thocht I came courtin the lass he wooed:
The secret will dee wi me.
O love, my ain, my winsome love,
I d ask but your face to see
As it laughs on your brother tomorrow morn,
To see it afore I dee.